Klubi nga Suhareka, Ballkani ka konfirmuar zyrtarisht ndërprerjen e bashkëpunimit me trajnerin Ismet Munishi.
Gjatë javëve të fundit kanë qarkulluar shumë zëra për një largim të Munishit nga Ballkani, ndërsa vetë sot ato zëra u konfirmuan.
Është vet klubi i Ballkanit që ka njoftuar me anë të faqes së tyre zyrtare në Facebook se ka ndërprerë bashkëpunimin me Munishin.
“Klubi ka vendosur të ndërpret bashkëpunimin me trajnerin Ismet Munishi pas një viti e gjysmë të kaluar së bashku në sfidat e shumta sportive”.
“Klubi e falënderon përzemërsisht Munishin për shumë vlera dhe punë profesionale të cilat i ka sjell në klubin tonë duke e ngrit në nivel edhe me të lartë sesa që ishte më parë”.
“Faleminderit i dashur trajner, shumë suksese në karrierën tuaj”, thuhet në njoftimin e Ballkanit. /Telegrafi/
