Ballkani ka bërë një goditje të madhe në afatin kalimtar të verës, duke nënshkruar me Bajram Jashanicën.
Pas disa viteve të kaluara në futbollin shqiptar me skuadrat si Besa e Skënderbeu, Bajram Jashanica rikthehet në Kosovë.
Qendërmbrojtësi llapjan ka nënshkruar kontratën, e cila do ta mbajë atë në Suharekë për dy vitet e ardhshme.
29-vjeçari kësisoj e ka përforcuar mjaftë shumë mbrojtjen e Ballkanit, pasi ka përvojë edhe në ndeshjet ndërkombëtare me Skënderbeun dhe Përfaqësuesen e Kosovës.
Jashanica është përforcimi i tretë këtë afat kalimtar për Ballkanin, pasi më parë ata kanë nënshkruar edhe me Kenan Haxhihamzën dhe Mevlan Zekën.
Njoftimi i plotë i klubit:
Kemi kënaqësinë t’iu prezantojmë futbollistin Bajram Jashanica, i cili së fundmi ka mbrojtur ngjyrat e klubit KF Skenderbeu (Korçë), ku ka bërë karrieren më të gjat të tijë si super lojtar , po ashtu Jashanica ishte dhe reprezentues i përfaqësueses së Kosovës 2016-2017.
Jashanica shquhet me ndërhyrje të sakte në qendër të mbrojtjes dhe tajmingun e përsosur nga ndërprerjet.
/Telegrafi/