Robin Le Normand është bashkuar me Atlético Madridin dhe ka nënshkruar një kontratë që do ta lidhë atë me klubin spanjoll për pesë sezone.
Fituesi i EURO 2024m Le Normand i është bashkuar Atletico Madridit nga Real Sociedad për të forcuar vijën e pasme. Ai njihet për aftësitë e tij fizike, aftësitë e lojës me top dhe ndërhyrjet e forta.
Le Normand e filloi karrierën e tij si 11 vjeçar kur nënshkroi për Stade Brestois, ku debutimin e tij e bëri në Ligue 2 gjatë sezonit 2015/16.
The harmony of a EURO champion. pic.twitter.com/bLU7FCUgqN
— Atlético de Madrid (@atletienglish) August 3, 2024
Nga aty ai kaloi te Real Sociedad, ku luajti tre sezone për ekipin rezervë të klubit bask, me të cilin ishte afër ngjitjes në Segunda División. Në 2018/19, ai bëri hapin drejt ekipit të parë, duke bërë debutimin e tij.
Dy vjet pas debutimit të tij, ai fitoi Kupën e Mbretit me Real Sociedad pas një fitoreje ndaj Athletic Bilbao në finale.
Pianoforte 💪 pic.twitter.com/NLwFmKVwKx
— Atlético de Madrid (@atletienglish) August 3, 2024
Në total, mbrojtësi 27-vjeçar shënoi gjashtë gola në 221 ndeshje për klubin nga San Sebastián. Me Spanjën ka bërë 17 paraqitje me të cilët fitoi Ligën e Kombeve në 2023 dhe Kampionatin Evropian në 2024. /Telegrafi/