Sturm Graz ka nënshkruar me sulmuesin shqiptar Albian Ajetin që mbron ngjyrat e Zvicrës.
25-vjeçari zviceran vjen në formë huazimi për një vit nga Celtic Glasgow dhe në Graz do të mbajë fanellën me numrin 9.
Në fund të huazimit, SK Sturm ka opsionin për të blerë Ajetin nga klubi skocez.
Ajeti ka luajtur tashmë 11 ndeshje me Zvicrën, ndërsa karrierën e ka filluar te FC Basel. Në përgjithësi, ai shënoi 45 gola në 105 ndeshje të Superligës për Baselin dhe St. Gallen.
Albian #Ajeti soll künftig für Tore in Schwarz-Weiß sorgen. #sturmgraz #inundaut https://t.co/QEi08CV2RW
— SK Sturm Graz (@SKSturm) August 31, 2022
Në vitin 2019, Ajeti u transferua nga Basel te West Ham në Ligën Premier angleze, ndërsa nga Londra rruga e tij vazhdoi te Celtic në vitin 2020.
“Bisedimet me SK Sturm Graz, Andreas Schicker dhe trajnerin Christian Ilzer më bindën menjëherë dhe më dhanë menjëherë ndjenjën se isha në vendin e duhur në kohën e duhur”.
“Sturm Graz është një klub i madh me një traditë të madhe dhe jam shumë i lumtur që mund të luaj në Graz në të ardhmen. Dua të kontribuoj sa më shpejt me cilësitë dhe përvojën time dhe të ndihmoj skuadrën si në kampionat ashtu edhe në fazën e ardhshme të grupeve të Ligës së Evropës”, ka thënë Ajeti në prezantim. /Telegrafi/