Tanimë është zyrtare që sulmuesi nga Kosova, Albian Ajeti është ftuar nga Përfaqësuesja e Zvicrës.
Paraqitjet e mira me fanellën e St Gallenit, kanë bërë që sulmuesi nga Podujeva të pranojë ftesën e helvetikëve.
20-vjeçari do të jetë i pranishëm në dy ndeshjet e radhës të Zvicrës, fillimisht në miqësoren ndaj Bjellorusisë pastaj në takimin ndaj Ishujve Farore.
Ajeti ka shkëlqyer këtë edicion në fanellën e St Gallenit duke shënuar 10 gola në elitën e futbollit zviceran.
Përpos Ajetit tek Zvicra është ftuar edhe Florent Hadergjonaj, por ai për Telegrafin ka deklaruar se do ta luaj vetëm ndeshjen miqësore dhe jo atë kualifikuese.
Mbetet të shihet se si do të paraqitën dy yjet e rinj shqiptarë me fanellën e Zvicrës. /Telegrafi/