Në Hagë është duke vazhduar të mbahet seanca ndaj Hysni Gucatiti dhe Nasim Haradinajt.
Përfaqësuesi i Zyrës së Prokurorit ka thënë se tashmë avokati i Gucatit dhe Haradinajt kanë marrë pjesën më të madhe të materialeve që ata do të mbështeten gjatë gjykimit, dhe se mund të fillojnë me mbrojtjen.
Këtë deklaratë përfaqësuesi i Zyrës së Prokurorit e bëri pasi avokatët mbrojtës të Gucatit dhe Haradinaj kanë kërkuar që të marrin materialet, në mënyrë që të fillojnë me mbrojtjen.
“Siç e dini zyra e prokurorit ka thënë se nuk ka ndonjë arsye pse të mos fillojë gjyqi në fillimin e pranverës së këtij viti. Pjesa më e madhe e materialeve tani më i është dhënë atyre, mbrojtja e ka ditur se për çfarë është kjo çështje. ZPS nuk ka ndërmend që t’ju jep materiale mbrojtjes, ata mund të fillojnë me hetimet.”, tha përfaqësuesi i ZPS-së”, ka thënë ai.
Seanca është duke vazhduar./Telegrafi/
