Zymer Bytyqi është njëri nga futbollistët më të mirë të Kosovës vitet e fundit. Kjo u dëshmua edhe në ndeshjet e fundit të Ligës së Kombeve, në të cilat sulmuesi i Konyaspor shënoi edhe gol.
Bytyqi në një intervistë për gazetaren Kadrie Canolli në RTV Dukagjini thotë se me kualitetin që ka Kosova edhe fitorja ndaj Greqisë ka qenë alternativë shumë e mundshme.
“Kemi pritur t’i fitojmë të dyja ndeshjet. Disa gjëra na kanë shkuar keq dhe nuk ia arritëm”.
Për golin ndaj Irlandës së veriut, sulmuesi shprehet shumë i lumtur.
“Jam gëzuar shumë, është gazuar edhe ekipi dhe familja ime”.
Sulmuesi ka një paqartësi të madhe sa i përket të ardhmes.
“Kam pasur një sezon shumë të mirë. E di që ka pasur shumë oferta, por nëse do të ketë apo jo ndonjë lëvizje për mua është në dorë të klubit pasi që unë kam një kontratë dhe duhet respektuar ajo”.
Sulmuesi kosovar ka pasur një vit të jashtëzakonshëm edhe në Superligën e Turqisë me Konyasporin.
Bytyqi ishte kontribuues në 15 gola të Konyas këtë edicion, duke realizuar tetë prej tyre dhe duke asistuar në shtatë të tjerë./Telegrafi/
Intervistën e plotë mund ta ndiqni në videon e mëposhtme.
