Zvicra ka në plan të marrë hapat e parë që nga 1 marsi, drejt zbutjes së kufizimeve të vendosura për shkak të coronavirusit.
Sipas Euronews, përcjell Telegrafi, dyqanet jothelbësore, muzetë dhe bibliotekat do të rihapen dhe ngjarjet private do të lejohen jashtë për deri në 15 persona.
Strategjia e daljes ka të bëjë kryesisht me lehtësimin e situatës për fëmijët dhe të rinjtë dhe qeveria thotë se ajo do të rishikojë masat duke bërë relaksime të mëtejshme çdo muaj për sa kohë që nivelet e infeksioneve mbeten të ulëta.
Ministri i Shëndetësisë Alain Berset ka thënë se situata në Zvicër po përmirësohet por kërkoi kujdes.
“Mbetet rrezik, por po përmirësohet, ne kemi projeksione për javët dhe muajt e ardhshëm, prandaj mund të fillojmë të zbusim kufizimet, ngadalë, me kujdes. Do të menaxhojmë hapin tjetër në fillim të prillit, më vazhdojmë më tej”.
Gati 543,000 njerëz kanë rezultuar pozitivë për COVID-19 në Zvicër (popullsia 8.6 milionë banorë), ndërsa më shumë se 9,000 njerëz kanë vdekur.
Ndërkohë që më shumë se 100,000 njerëz tashmë kanë marrë të dyja dozat e tyre të vaksinës anti-Covid. /Telegrafi/