Sot në fshatin Studime janë përkujtuar 116 të rënët në atë që njihet si masakra e Studimes.
Qytetarë nga të gjitha anët e Kosovës kanë shkuar për t’i përkujtuar të vrarët ndërsa në këtë përvjetor nuk ishte as presidenti, kryeministri apo ndonjë ministër i Qeverisë. Derisa vitin e kaluar në masakrën e Studimes ishte edhe presidenti i Kosovës Hashim Thaçi, sivjet ai nuk mori pjesë.
Në Studime ishte gruaja e tij Lumnija së bashku me djalin Endritin.
Kujtojmë se zonja e parë e shtetit është bijë e Gërxhalive të Studimes, familje kjo që ka shumë të vrarë gjatë luftës.
