Skuadra e Maurizio Sarrit e filloi mirë sezonin, por tani ka filluar shkëputjen nga skuadrat që luftojnë për titull, një nga arsyet është mungesa e golave nga sulmuesit qendrorë.
Asistenti i italianit, Gianfranco Zola, ka kritikuar sulmuesin Alvaro Morata dhe i ka kërkuar që të fokusohet dhe të shënojë gola.
“Jo”, ka thënë Zola pasi është pyetur se a ndjen ndonjë simpati për ish-sulmuesin e Real Madridit në lidhje me presionin që është mbi atë.
“Duhet të jetë diçka motivuese. Je tek Chelsea. Nuk po luan për Southamptonin apo Brightonin, me gjithë respektin për këto klube”.
“Njerëzit presin shumë nga numri 9 i Chelseat. Kjo është normale dhe Alvaro duhet të mësohet me këtë. Nëse shkon te një tjetër klub i madh, do të jetë njëjtë për atë. Nuk ka mënyrë se si t’iu ikësh përgjegjësive”.
“Është pjesë e punës dhe aq sa mirë i përballon ato, më i mirë bëhesh. E di se ai e ndej që nuk po shënon mjaftueshëm dhe se ndjen përgjegjësi”.
“Ai duhet të mësojë të lërë gjithçka mbrapa, sepse këto janë vetëm barrë që ju merrni në fushë dhe nuk do t’ju ndihmojnë të bëni më mirë”, ka shtuar Zola. /Telegrafi/
