Nuk po shuhet zjarri i cili ka shpërthyer para të pesë ditëve në pjesën e Prilepit të Mariovës. Me gjithë luftën me flakët e mbi 200 zjarrfikësve profesionistë nga pothuajse të gjitha njësitë territoriale të zjarrfikësve të vendit, personelit të ushtrisë, punonjësve të ndërmarrjeve publike, Pyjeve Kombëtare, banorëve vendas, si dhe mbështetjes ajrore nga një avion, linja e zjarrit është përhapur sot dhe ka arritur mbi 25 kilometra në një sipërfaqe mbi 8000 hektarë, kryesisht me bimësi të ulët të degraduar.
“Për fshatin Krushevicë është kritik, është i kërcënuar nga dy fronte. Po ashtu, një zjarr që thamë dje nuk ishte i rrezikshëm në afërsi të fshatit Peshtani, ishte duke lëvizur në drejtim tjetër, por era e ka ndryshuar drejtimin e zjarrit dhe po lëviz sërish në drejtim të fshatit Peshtani. Zjarri ka edhe në afërsi të fshatit Shtavicë, zjarri tashmë po bie, por pylli me pisha ende nuk është kapur, gjë që është mirë për momentin”, tha Irena Sterjovska, kryetare e Shtabit Komunal.
Për shkak të djegies intensive të bimësisë së thatë, e cila është shumë e strukturuar, qyteti dhe rrethinat e tij prej disa ditësh janë mbuluar nga tymi i dendur, gjë që e ka vështirësuar shuarjen e tij nga ajri. Por Shtabi siguron se ndotja e ajrit ishte brenda kufijve normalë dhe se nuk ka vend për panik.
“Në komunën e Prilepit ndotja e ajrit është e ulët, madje edhe shumë e ulët, kështu që parametrat nuk janë as afër vlerave maksimale. Era që kemi ndjerë dje në fakt vjen nga zjarri në afërsi të Velesit, e ne ende nuk e kemi ndjeni erën nga zjarri që vjen nga mali Seleçka”, shpjegoi Sterjovska.
Një zjarr ka edhe mbi Manastirin “St. Nikolla” në afërsi të fshatit Prilepec, por sipas vlerësimeve të autoriteteve është ende larg dhe për momentin mbahet nën kontroll që të mos zbresë.