Deputeti i Lëvizjes Vetëvendosje, Enver Haliti ka reaguar sot pasi është djegur objekti i ish gjimnazit të parë shqiptar “Ismail Qemali” në Ferizaj.
Haliti në një postim në Facebook shkruan se krimi i organizuar dëshiron që ta shlyejë historinë e Ferizajt.
Ai shkruan për herë të katërt ose të pestë i vihet flaka objektit të mbrojtur të trashëgimisë kulturore.
“Krimi i organizuar dëshiron që ta shlyejë historinë e Ferizajt.
Sot për herë të katërt ose të pestë i vihet flaka objektit të mbrojtur të trashëgimisë kulturore, ish Gjimnazit të parë shqiptar Ismail Qemali në Ferizaj.
Ftoj organet e rendit që ta hetojnë dhe të zbulohet urdhër dhënësi i këtij krimi.
Turp!”, shkruan Haliti. /Telegrafi/
