Vatra e zjarrit në fshatin Peshtan ka dalë jashtë kontrollit, ku flakët të favorizuara edhe nga era kanë kaluar në anën tjetër të rrugës për t’u përhapur drejt zonës së pyllëzuar në Kraps.
Flakët kanë dalë jashtë kontrollit duke rrezikuar pyllin me pisha e dushk në fshatin Peshtan, ndërsa në zonë kanë mbërritur mjetet zjarrfikëse ku tentativa për të izoluar zjarrin duket e pamundur si pasojë e temperaturave të larta dhe erën që fryn.
Rreth 25 hektarë sipërfaqe me pisha, dushk, shkurre dhe ullishte janë shkrumbuar si pasojë e zjarrit tre ditor.
Zjarrfikësit janë tërhequr për shkak të situatës së vështirë, ndërsa në ndihmë për shuarjen e flakëve ka shkuar një helikopter./Telegrafi/
