Zjarret po shkatërrojnë pyjet në Greqi dhe Spanjë

Zjarret në pyje janë ndezur në rajone në të gjithë Evropën Jugore të intensifikuar nga temperaturat e larta dhe erërat e forta. Mijëra hektarë tokë u shkatërruan dhe vendasit u evakuuan nga shtëpitë e tyre.

Kryeministri grek, Kyriakos Mitsotakis tha sot se zjarrfikësit kanë luftuar rreth 50 zjarre në 24 orët e fundit dhe se ka të ngjarë të ketë më shumë pasi shërbimet meteorologjike shpallin temperatura të reja të larta.

“Unë dua të theksoj se gushti është gjithmonë një muaj i vështirë dhe kjo është arsyeja pse është e rëndësishme që të gjithë ne, të gjitha shërbimet shtetërore, të jemi në gatishmëri derisa të mbarojë periudha e zjarrfikësve”, theksoi Mitsotakis.

Zyrtarët e zjarrfikësve theksuan se neglizhenca në fermat dhe vendet e ndërtimit ishte përgjegjëse për disa incidente, shumica e të cilave ndodhën në rajonin jugor të Peloponezit. Asnjë viktimë nuk u raportua, transmeton Telegrafi.

Në ishullin italian të Sardenjës, aeroplanë të specializuar nga Franca dhe Greqia po ndihmojnë zjarrfikësit lokalë të shuajnë një zjarr që shkatërroi më shumë se 4,000 hektarë pyll dhe evakuoi 350 njerëz.

Lexo po ashtu Italia kërkon ndihmë nga vendet evropiane për zjarret në ishullin e Sardenjës

Në Siçili, një zjarr shpërtheu jo shumë larg qytetit Erice në perëndim të ishullit.

Në Katalonjë, zjarret shkatërruan më shumë se 1,500 hektarë tokë pranë qytetit Santa Coloma de Queralt dhe dhjetëra njerëz u evakuuan, megjithëse sot 90 për qind e zjarrit është nën kontroll.

Në fshatin Lietor në rajonin e Castilla-La Mancha, më shumë se 2,500 hektarë u shkatërruan nga një zjarr gjatë fundjavës. /Telegrafi/