Zjarret në Umlenë, respektivisht në rajonin e Pehçevës kanë detyruar që ujqit të zbresin në fushë.
Qytetarët përmes video incizimeve tregojnë se si ujqit në pamundësi për të siguruar ushqim dhe për t’i mbijetuar zjarreve kanë zbritur në fushë.
Sipas të dhënave të Qendrës për Menaxhim me Kriza (QMK) deri në orën 19 në territorin e mbarë vendit aktiv janë dhjetë zjarre edhe atë në fshatin Razllovc të Dellçevës, mbi fshatin Budniarci të Pehçevës, në Dragoecë të Shtipit, në Bogosllovec të Sveti Nikollës, mbi fshatrat Raoviq dhe Bukoviq të Shkupit, pastaj afër Katllanovës në Divle dhe Krushje, në malin Kitkë, pastaj fshatin Svetomitrani të Krushevës, në dy lokacione të rajonit të Prilepit- te fshatrat Dren dhe Smollane dhe në Toplicë dhe Romanovcë të Kumanovës.
Një pjesë e zjarreve, madje janë lokalizuar ose janë nën kontroll.
