Gjatë ditës së djeshme, në rajonin e Tetovës, Sveti Nikoles dhe Berovës ka patur zjarre masive, të cilat kanë djegur hapësira me pisha.
Në Berovë zjarri shpërtheu afër fshatit Ratevë, ndërsa ekipet zjarrëfikëse kanë dalë në terren për të shuar zjarrin, përcjell Telegrafi Maqedoni.
Në Sveti Nikole zjarri shpërtheu në Karatmanovë, duke u përhapur në drejtim të Kalaslarit. Pas disa orësh tentimesh, zjarri është shuar.
Pasditen e djeshme ka patur zjarre edhe në rajonin e Tetovës në shtatë lokacione të ndryshme në Novo Sellë dhe Merovë, afër komunës së Zhelinës. Zjarrëfikësit kanë dalë në vendin e ngjarjes për të shkuar zjarrin.
Edhe në Veles kanë shpërthyer zjarre të cilat vazhdojnë edhe sot. Janë marrë masa për shuarjen e të njëjtit./Telegrafi/