Zjarr pranë Ambasadës Saudite në Londër, dëshmitarët thonë se kanë dëgjuar shpërthime (Video)

Një zjarr ka shpërthyer në një ndërtesë pranë ambasadës së Arabisë Saudite në Londër.

Siç raportojnë mediat britanike, dyzet zjarrfikës janë dërguar në vendin e ngjarjes, në Chesterfield Street, Mayfair, pas një thirrjeje 999 në orën 9.16 të premten.

Brigada e zjarrit në Londër tha për The Telegraph se nuk kishte tregues për shkakun e zjarrit por konfirmoi se zjarri ishte në pjesën e një restoranti dhe nuk ishte në ambasadën saudite.

Imazhet e postuara në mediat sociale treguan një ndërtesë me tarracë në afërsi të ambasadës në Mayfair, që u përfshinë në flakë me zjarrfikësit që morën pjesë në të.

Dëshmitarët kanë raportuar se kishin dëgjuar shpërthime, por zjarrfikësit nuk kanë konfirmuar raportet. /Telegrafi/