Një ngjarje e rëndë është regjistruar mëngjesin e sotëm në fshatin Vërdovë të Pogradecit.
Si pasojë e zjarrit të rënë në një banesë ka humbur jetën një 42-vjeçar.
Sipas policisë, zjarri ka rënë rreth orës 06:00, ndërsa gazetarja e Ora News në Pogradec bën me dije se viktimë ka mbetur shtetasi Nardi Xhukellari.
42-vjeçari jetonte në katin e dytë të banesës së përfshirë nga flakët, ndërsa burime policore thonë për Ora News se, Xhukellari vuante nga probleme mendore.
Grupi hetimor dhe shërbimi zjarrfikës ndodhen në vendngjarje.