Dhjetëra zjarrfikës janë angazhuar për të ndaluar apo së paku zvogëluar dëmet e shkaktuara nga një zjarr në një qendër tregtare në lindje të Londrës, sot në orët e mëngjesit.
Sipas mediave britanike, përcjell Telegrafi, përpjekjet po bëhen për të shpëtuar ndërtesën, por duket se zjarri është rritur me intensitet gjatë gjithë mëngjesit.
https://www.youtube.com/watch?v=mftgSmZlNes
Brigada e zjarrit e Londrës tha se një pjesë e çatisë ishte në flakë, edhe pse nuk dihet nëse zjarri është përhapur në dyqanet më poshtë.
Bëhet e ditur se flaka mund të shihet që vjen nga çatia e ndërtesës dhe ka shumë tym në zonë.
Brigada e zjarrit në Londër tha: “Pesëmbëdhjetë makina dhe rreth 100 zjarrfikës janë thirrur në një zjarr në qendrën tregtare në Walthamstow”. /Telegrafi/
Brave folks from @LondonFire are tackling a huge blaze at the Walthamstow mall this morning. Stay safe all pic.twitter.com/mTznhRKPlg
— Adam French (@thatadamfrench) July 22, 2019