Policia e Kosovës njofton se sot, rreth orës 10:42 minuta, në rrugën “Ukë Bytyqi” te rrethi i Bazhdarhanes, në korridorin e një ndërtese ka shpërthyer zjarri.
Policia dhe zjarrfikësit kanë dalë në vendin e ngjarjes, transmeton Koha.net.
Sipas raporteve fillestare thuhet se zjarri ka shpërthyer në një orman të njehsorëve elektrik të cilët janë djegur tërësisht.
Shtatë banorëve u është ofruar ndihmë mjekësore me oksigjen ndërkaq komandanti i brigadës së zjarrfikësve ka pësuar një gërvishtje. Polica e ka njoftuar prokurorin e shtetit. Ende nuk janë përcaktuar shkaqet e zjarrit.