Një zjarr i madh ka shpërthyer sot në mesditë në një parcelë për mbledhjen e hekurishteve në Podujevë.
Ende nuk dihen shkaqet e shpërthimit të zjarrit ndërsa dëshmitarët kanë thënë për KosovaPress se nuk ka të lënduar, ndërsa Policia dhe zjarrfikësit iu kanë përgjigjur menjëherë informatës për ta fikur zjarrin.
Ngjarja ka ndodhur në vendin e quajtur “Te Qershiat” në hyrje të Podujevës, 5 kilometra larg qytetit.
Vlen të theksohet se afër vendit ku ka ndodhur zjarri ka objekte afariste dhe një pompë e derivateve.
