Ekipi i zjarrfikësve nga Kumanova me afërsisht 20 makina zjarrfikëse, janë kyçur në shuarjen e zjarrit i cili shpërtheu pasdite në orën 18:15 në lokalitetin “Kasapski krug”, ku u kapluan edhe një pjesë e hapësirës së Departamentit për Kadastër dhe Patundshmëri në Kumanovë.
Sipas informacioneve të komandatit të zjarrfikësve në Kumanovë, Dejan Ilievski, zjarrfikësit akoma punojnë në lokalizimin e zjarrit. Ai shtoi se gjatë natës një ekip do të qëndrojë në kujdestari, përcjell Telegrafi Maqedoni.
Kryetari i Komunës së Kumanovës, Zoran Damjanovski, ka kryer hetime në hapësirat e të ashtuquajturës Komuna e vjetër e Kumanovës, pasi në atë ndërtesë janë të vendosura disa departamente dhe sektore të komunës.
Ai tha se është shkaktuar dëm i madh material dhe se prej nesër do të kryejnë hetime. Sipas informacioneve të para të ekipeve në terren, një person është lënduar./Telegrafi/