Në kohën që Tirana është përmbytur nga shirat dhe stuhitë, një zjarr masiv ka përfshirë malin e Shëngjinit në Lezhë.
Ngjarja ka ndodhur pasditen e sotme, ndërsa flakët e zjarrit rrezikojnë edhe zonat e banuara, shkruan gazeta Shekulli.
Sipas informacioneve paraprake, mësohet se për shuarjen e flakëve përveç forcave zjarrfikëse është angazhuar edhe ushtria.
Burime zyrtare bëjnë me dije se pritet ardhja e helikopterit, për vënien nën kontroll të flakëve. Nuk dihet asgjë se kush ishin shkaqet e rënies së zjarrit.