Site icon Telegrafi

Zjarr masiv në Los Angeles, 3 mijë hektarë digjen – 30 mijë banorë evakuohen

Burim Tmava

Një zjarr masiv po përhapet në disa pjesë të Los Angelosit. Skena dramatike po shpërndahen në rrjetet sociale, teksa njerëzit largohen nga shtëpitë e përfshira nga flakët dhe shtëllunga të mëdha tymi ngrihen në të gjithë qytetin.

Në të gjithë qytetin është shpallur gjendja e jashtëzakonshme, nga ku është bërë e ditur se ekzistojnë tri vatra zjarresh, transmeton Telegrafi.

Zjarri në lagjen luksoze Pacific Palisades – shtëpia e shumë të famshëmve – është përhapur në më shumë se 3,000 hektarë Gjithashtu zjarri mbi Altadena, pranë Kanionit Eaton, po rritet

Pesëdhjetë hektarë po digjen në periferi të Sylmarit, ku është urdhëruar një evakuim i detyrueshëm pasi zjarrfikësit thanë se flakët po rriten me shpejtësi.

Zjarrfikësit në Kaliforni kanë paralajmëruar se ekziston një kërcënim i menjëhershëm për jetën në disa zona.

Të paktën 30,000 njerëzve u është thënë të evakuojnë shtëpitë e tyre dhe disa rrugë janë bllokuar nga kaosi i trafikut.

Videot tregojnë veturat e braktisura në mes të rrugëve, duke u shtyrë mënjanë nga buldozerët në mënyrë që zjarrfikësit të mund të hyjnë në zonë. /Telegrafi/

Exit mobile version