E plotësuar: Agjencia për Menaxhimin e Emergjencave ka bërë të ditur se zjarri në rrugën Dragash-Zhur është nën kontroll.
Zëdhënësi i AME-së, Nehat Koqinaj ka thënë për Telegrafin se në vendin e ngjarjes ka dalë edhe ekipi i zjarrfikësve.
“Zjarri është nën kontroll, rojet e pyllit me zjarrfikësit janë në vend ngjarje”, u shpreh Koqinaj.
Ai shtoi se nuk ka arsye për frikë.
“Nuk ka arsye për frikë për zgjerim ose dalje nga kontrolli të kësaj vatre të zjarrit”, u shpreh Koqinaj. /Telegrafi/
—-
Vendet e rajonit janë duke u përballur me zjarret tash e ca ditë. Njëjtë ishte edhe situata në Kosovë disa ditë më parë.
Mbrëmjen e së martës, një zjarr i madh ka përfshirë një pjesë në rrugën Dragash-Zhur konkretisht mbi deponin e mbeturinave.
Telegrafi ka siguruar pamjet nga vendi i ngjarjes, ku shihet se në aty ka dalë vetëm një patrulle e policisë dhe se ekipi i zjarrfikësve nuk ka arritur ende.
Telegrafi do t’ju mbajë të informuar. /Telegrafi/