Zinedine Zidane raportohet se është në prag të dorëheqjes si trajner i Real Madridit, pas dështimit të klubit për të nënshkruar me mesfushorin e Manchester United, Paul Pogba.
Gazetari spanjoll Diego Torres ka folur për Independent, duke treguar arsyet e francezit.
“Mos nënshkrimi i Pogba e vendos Zidane në prag të dorëheqjes”.
Zidane personalisht i premtoi Pogbas se do ta sillte në Madrid dhe tani ai ka mbetur keq.
“Kjo ka rritur vetëm mungesën e besimit midis Zidane dhe Florentino [Perez, presidenti i klubit Madrid]”.
“Për Zidane, projekti i tij dhe Pogba janë pothuajse e njëjta gjë. Asgjë për të cilën atij i ishte premtuar nuk ka ardhur me të vërtetë”, ka thënë ai.
Klubi e ktheu francezin pasi një sezon të vështirë nën drejtimin e Julen Lopeteguit dhe Santiago Solarit.
Klubi ka harxhuar deri tani mbi 300 milionë euro me emra si Eden Hazard, Luka Jovic dhe Eder Militao. /Telegrafi/