Trajneri i Real Madridit, Zinedine Zidane, ka thënë se gjithmonë klubi mbretëror është favorit pas shorteve.
City ishte ekipi që u zgjodh të luajë ndaj Real Madridit nga shorti i Ligës së Kampionëve për gjysmëfinale dhe Zidane u shpreh për sfidën.
“Eshtë gjysmëfinale e vështirë”.
“Gjëja e vetme pozitive është se ne luajmë ndeshjen e dytë në shtëpi. Unë shoh dy ndeshje të vështira, ku të dyja ekipet duan të fitojnë”.
“Ne gjithmonë jemi favoritë. Kështu është te Reali, por kjo nuk na intereson. Ne e dimë se do të jetë e vështirë. Nuk them se City është ekipi më i lehtë. E pamë me Wolfsburgun. Nuk dua të dëgjoj të thotë dikush se ishte lehtë me Cityn. Të kalojmë tutje duhet të luajmë ndaj atyre që na vë shorti. Unë shoh ekipe tjera po ashtu të forta”, u shpreh Zidane. /Telegrafi/