Trajneri i Real Madridit, Zinedine Zidane është i kënaqur që James Rodriguez nuk është larguar nga skuadra e tij.
Kolumbiani shkëlqeu në fitoren ndaj Sevillas këtë javë në kuadër të Kupës së Mbretit. Tekniku francez lavdëron punën që bën James.
“Ai e vë punën e tij mbi çdo gjë tjetër. Jam i lumtur që ai shënoi dy gola dhe punën që bën ai”, ka thënë Zidane.
“James është i rëndësishëm, por për mua gjëja më e rëndësishme është ekipi dhe energjia që ata kanë. Unë dua që të gjithë lojtarët e mi të dalin në fushë dhe të japin më të mirën e tyre. Ideja është për të mbajtur lart punën e mirë që ata janë duke bërë”, ka theksuar Zidane.