Zinedine Zidane nuk ka asnjë dyshim, për të trajneri më i mirë në botë është Pep Guardiola.
Dyshja do të përballen sonte në kuadër të 1/8 në Ligën e Kampionëve.
“Guardiola është trajneri më i mirë në botë, e ka treguar gjithmonë. Por ndeshen Real Madridit dhe Manchester City, jo Zidane dhe Guardiola. Mund ta etiketoni si të doni këtë përballje: një klasike ose një derbi… për mua është vetë, një ndeshje e madhe”.
“E kemi parë çfarë aftësish ka treguar te Barcelona, Bayern dhe tani te Manchester City. Disa mendojnë se ka trajnerë të tjerë më të mirë, por për mua ai është më i miri”, ka thënë Zidane.
Zidane foli edhe për dëmtimin e Eden Hazardit, që i ka prishur shumë punë në këtë sezon për shkak të dëmtimeve të shpeshta.
“Më vjen shumë keq për Edenin. Pres që kur të kthehet të jetë 100% i riaftësuar. E kam parë në sytë e tij që nuk është aspak i lumtur për atë që ka ndodhur, por pres që të mendojë pozitivisht”.
“Operacioni? Nuk e di se çfarë do të ndodhë, as nëse e ka mbyllur sezonin”, ka deklaruar Zidane. /Telegrafi/