Zinedine Zidane ka folur për lëndimin e yllit të Paris Saint-Germain, Neymar, i cili lëshoi fushën në ndeshjen e Ligue 1 ndaj Marseilles.
Sulmuesi brazilian u lëndua në kyçin e këmbës gjatë fitores 3-0 të PSG-së ndaj Marseillet të dielën, duke e lënë atë në dyshim për ndeshjen kthyese ndaj Realit.
Por, Zidane shpreson se Neymar do të kthehet në veprim në kohë për ndeshjen e dytë të Ligës së Kampionëve kundër Real Madridit duke shtuar se nuk i pëlqen kur lojtarët lëndohen.
“Dua që Neymar të kthehet me kohë për lojën tonë”, iu ka thënë Zidane gazetarëve gjatë konferencës së tij për shtyp të hënën.
“Unë kurrë nuk dua të shoh ndonjë lojtar të lënduar dhe shpresoj se ai do të kthehet në kohë për t’u përballur me ne dhe të shërohet nga lëndimi i tij”.
“Nuk më pëlqeu kur ai u dëmtua sepse e kam shikuar ndeshjen dhe shpresoj se nuk është shumë lëndim i madh”.
“Nëse ai nuk luan atëherë do të jetë një lojtarë tjetër që është i motivuar dhe i përgatitur për të luajtur kundër nesh”, përfundoi trajneri i Realit.
Ndryshe, ndeshja kthyese në Parc des Princes në mes të PSG-së dhe Realit zhvillohet me datë 6 mars. /Telegrafi/