Real Madrid është kualifikuar në 1/8 e finales së Ligës së Kampionëve.
Madrilenët triumfuan me të njëjtin rezultat si në ndeshjen e parë 3-1 edhe në të dytën kundër Napolit.
Zinedine Zidane, trajneri i ‘mbretërve’ ka folur pas takimit duke pohuar se është i kënaqur me kualifikimin dhe me atë që pa te lojtarët në pjesën e dytë, transmeton Telegrafi.
”Kemi pasur vështirësi në pjesën e parë, ata bënë një pjesë të mirë, ne nuk kishim efektin e duhur por u ringritëm dhe luajtëm më mirë. Kemi fituar dhe kjo është e gjitha. 3-1 dhe kaq mjafton”.
”Po luajmë mirë, nuk mund të luajmë 90 minuta në maksimum dhe për më tepër në një fushë të vështirë si kjo. E dimë që në pjesën e parë do të na bënin më tepër presion. Ne luajtëm mirë. A mund të kishim bërë më mirë? Në pjesën e dytë e bëmë këtë”.