Zinedine Zidane ka folur pas barazimin 2-2 ndaj Las Palmasit.
Trajneri francez e ka cilësuar të mirë paraqitjen e skuadrës, pasi sipas tij kanë krijuar mjaft raste dhe e merituan fitoren, por nuk kanë qenë mirë të koncentruar dhe në fund edhe u barazua rezultati.
“Paraqitja e skuadrës nga minuta e parë deri në fund ka qenë e mirë. Ne krijuam shanse, por na mungoi koncentrimi. Kontrolluam ndeshjen, por nuk i konvertuam shanset tona. E merituam fitoren. Jam i lumtur me paraqitjen e skuadrës”, deklaroi fillimisht Zidane, transmeton Telegrafi.
“E merituam fitoren. Nuk do të dorëzohemi. Kishim dy gabime vitale që na kushtuan fitoren. Jemi padyshim të zhgënjyer me rezultatin, por jemi akoma në krye të tabelës dhe duhet të luftojmë për ta mbajtur këtë pozitë”.
“Këto gjëra mund të ndodhin. Nuk do të arsyetohem. Të martën kemi një ndeshje të rëndësishme dhe do të jem i fokusuar për këtë”, përfundoi trajneri francez. /Telegrafi/