Trajneri i Real Madridit, Zinedine Zidane ka insistuar se ai ka skuadrën më të mirë në botë, por pranoi se ende mund të ketë ndonjë transferim para 31 gushtit.
Real Madrid kanë qenë të lidhura me mesfushorin e Juventusit, Paul Pogba, edhe pse kampionët e Evropës dhe gjigantët La Liga thuhet se janë gati të humbin garën nga Manchester United për francezin.
Në anën tjetër të spektrit, dyshja, James Rodriguez dhe Isco janë me sa duket duke u përballur me të ardhmen e pasigurt para se afati kalimtar të mbyllet, por Zidane mendon që ka skuadrën më të mirë.
“Unë mendoj se ne kemi skuadrën më të mirë në botë, por ne do të provojmë t’i marrim dhe kjo është ajo që ne jemi duke punuar. Deri më 31 gusht çdo gjë mund të ndodhë. Ka lojtarë të cilët mund të përfundojnë duke u larguar dhe asgjë nuk është bërë”, ka thënë Zidane.
“Jam i kënaqur me lojtarët që kam marrë. Ne jemi duke punuar shumë dhe kjo është shumë e rëndësishme për një trajner, kjo është gjëja më e rëndësishme. Unë kam marrë talent për të punuar në këtë skuadër”.
“Konferencat për shtyp të miat mund të jetë pak të mërzitshme, sepse unë gjithmonë them të njëjtën gjë, por është e rëndësishme për të përgatitur edhe për sezonin e ri”, përfundoi trajneri i Real Madridit. /Telegrafi/