Zinedine Zidane ka thënë se ai ka raporte të mira me Gareth Balen dhe dëshiron që ai të qëndrojë te Real Madridi.
Në mediat spanjolle raportohet se 30-vjeçari po e kërkon largimin nga Los Blancos, derisa ka udhëtuar për në Londër për arsye personale.
“Ne kemi raporte të mira, pa marrë parasysh se çfarë thuhet në media”, ka thënë Zindane në një intervistë për Cadena Cope.
“Ai asnjëherë nuk flet për largimin dhe nuk do ta mirëprisja largimin e tij në dimër. Ai qëndrojë me ne në verë dhe ishte më e mira për të gjithë”.
“Mendoj se ai do të kthehet nga Londra këtë pasdite dhe do të stërvisë si zakonisht”, ka shtuar më tej trajneri francez.
Bale thuhet se po e mendon rikthimin në Angli, derisa po kërkohet edhe nga skuadrat prej Superligës së Kinës. /Telegrafi/