Sulmuesi finlandez, Eero Markkanen u largua vitin e kaluar nga skuadra e dytë e Real Madridit, e njohur si Castilla, sepse ka qenë në mbipeshë.
Ai ka vendosur të hedhë në gjyq klubin madrilen. Seanca gjyqësore do të mbahet me 29 nëntorin e ardhshëm.
Markkanen, 25 vjeç, është larguar nga trajneri Zinedine Zidane, i cili në atë kohë drejtonte ekipin e dytë, pas 10 ndeshjesh dhe dy golash në Segunda Division.
Për trajnerin francez, sulmuesi ishte 18 kile më shumë. Markkanen është 1,95 m i gjatë dhe peshon 97 kg.
Aktualisht luan tek AIK, në Suedi, klub nga i cili është larguar në verën e 2014-ës për të shkuar në Spanjë.
Te Castilla, finlandezi ka qëndruar vetëm një sezon, para se të largohej.
Një përjashtim që sulmuesi i ri duket se nuk e ka marrë aspak mirë, të paktën duke gjykuar nga fotografi e publikuar në rrjete sociale nëpërmjet së cilës ka ironizuar mbi vendimin e marrë nga klubi madrilen.