Zinedine Zidane ka folur para takimit të fundjavës kundër Osasunës.
Trajneri i madrilenëve ka pohuar se Gareth Bale mund të paraqitet për disa minuta në këtë ndeshje.
“Shpresoj që Bale të jetë i gatshëm për tu futur në fushën e lojës para ndeshjes së kthimit kundër Napolit. Ai është duke punuar shumë mirë. Pres vetëm ok nga lojtari”, u shpreh francezi.
Bale pritet të rikthehet në fushë si titullar në ndeshjen e së mërkurës së Ligës të Kampionëve kundër Napolit.
Theksojmë se Bale u dëmtua më 22 nëntor të vitit të kaluar, gjatë ndeshjes kundër Sporting Lisbonës. /Telegrafi/