Sapo të luhet finalja e Ligës së Kampionëve, Real Madridi do të ketë një tjetër arsye për ta zgjeruar lumturinë e jetesës.
Dhe nuk është askush tjetër, përveç Zinedine Zidane, ai që do të marrë si shpërblim rinovimin e kontratës deri në vitin 2020.
Kjo është aspirata e Florentino Perez dhe do të jetë realitet së shpejti, sepse palët e duan këtë gjë. Vazhdimi i kontratës është në tavolinë dhe trajneri francez, kur ta shohë të arsyeshme, mund të vendosë firmën, e cila ta lidhë atë me Real Madridin deri më 30 qershor 2020, jo deri në të njëjtën datë të vitit 2018, siç pasqyrohet në kontratën aktuale.
Natyrisht, kontrata do të rregullohet në shifra, sepse tashmë ka statusin e një trajneri, që për momentin ka fituar Ligën e Kampionëve, Superkupën e Evropës dhe Botërorin për Klube, duke arritur një tjetër finale kontinentale dhe qenë fare pranë titullit në La Liga.
E gjitha kjo në vetëm 17 muaj, që nga debutimi i tij si trajner në La Liga. /Telegrafi/