Kryetari i Aleancës për Shqiptarët Ziadin Sela, sot në konferencë për shtyp tha se partia e tij do të dorëzojë amendamente në lidhje me ndryshimet kushtetuese.
Ai tha se kjo nuk duhet të keqkuptohet nga qytetarët maqedonas, pasi sipas tij, ata do të kërkojnë që shqiptarët e Maqedonisë të kenë të drejta të barabarta me Kushtetutë me qytetarët tjerë, njofton Telegrafi Maqedoni.
I pyetur në lidhje me faljen e të akuzuarve për ngjarjet e 27 prillit, Ziadin Sela tha se ata janë për falje kombëtare të përgjithshme, por është kundër amnistimit të individëve që janë të akuzuar për ngjarjet e 27 prillit.
Sela i bëri thirrje kryeministrit Zoran Zaev që të del hapur të sqarojë thirrjet e tij për falje, nëse e ka pasur fjalën për falje kombëtare ose falje të individëve përgjegjës për 27 prillin./Telegrafi/
