Alessia Zecchini nga Roma e Italisë, ka thyer rekordin botëror të zhytjes së lirë, duke kaluar 107 metra në mënyrë vertikale në det.
Pa ndonjë pajisje për frymëmarrje, 26-vjeçarja e ka mbajtur frymën për tre minuta e gjysmë, që të përshkojë një hapësirë më të gjatë se fusha e futbollit, transmeton Telegrafi.
Të pranishmit e mbledhur në bregdetin e Bahameve, e inkurajuan zhytësen, derisa rregullonte frymëmarrjen, para se të nisej në thellësi.
Videoja e postuar më poshtë, tregon atë teksa noton në mënyrë vertikale, ndërsa sfondi pas errësohet sa herë që ajo hyn më thellë. /Telegrafi/
