Një ekip zhytësish polakë kanë bërë një zbulim që ndodh një herë në jetë, kur u ndeshën me një anije të shekullit të 19-të e mbushur me mallra luksi, duke përfshirë qindra shishe shampanje të pahapura.
Grupi privat i zhytjes, Baltictech, po eksploronte Detin Baltik në brigjet suedeze, kur fillimisht hodhën poshtë një imazh të hidrolokatorit si një anije peshkimi të zakonshme.
Megjithatë, një palë zhytës të vendosur të hetojnë më tej, u zhdukën për gati dy orë përpara se të ktheheshin me lajmin për një gjetje të jashtëzakonshme.
Sipas një njoftimi për shtyp, në rrënoja kanë gjetur porcelan, ujë mineral dhe shishe shampanje, përcjell Telegrafi.
Marka e ujit mineral, Selters, është veçanërisht intriguese pasi dikur konsiderohej një eliksir mbretëror dhe prodhohet ende sot.
Ndërsa marka e shampanjës mbetet një mister, zhytësit besojnë se mund të ketë qenë e destinuar për tavolinat e Stokholmit ose oborrit mbretëror të Shën Petersburgut.
Udhëheqësi i ekipit Tomasz Stachura shprehu habinë e tij për zbulimin, duke thënë: “Unë kam zhytur për 40 vjet dhe shpesh ndodh që të gjejmë një ose dy shishe në rrënoja, por të zbulosh kaq shumë ngarkesë, është e para për mua”.
Historianët besojnë se shampanja u prodhua midis viteve 1850 dhe 1867, duke e bërë atë potencialisht një nga shampanjat më të vjetra në botë. /Telegrafi/