Vinicius Junior rrallë kalon nëpër një ndeshje pa u vënë re. Braziliani, për mirë apo për keq, është në qendër të çështjeve për Real Madridin, por shqetësimi për mentalitetin e tij po rritet.
Kundër Athletic Bilbaos të dielën mbrëma, ai nuk arriti të fitonte betejat e tij në pjesën më të madhe në anën e majtë, duke u dalluar shumë më tepër për grindjet e ndryshme me lojtarët baskë.
Carlo Ancelotti u ankua pas ndeshjes se Vinicius vazhdimisht merrte presion shtesë nga kundërshtarët dhe tifozët, duke kërkuar ‘pak më shumë respekt’.
Gjithnjë e më shumë, këto grindje janë bërë temë e Vinicius këtë sezon, duke i fituar atij një reputacion me lojtarët dhe tifozët e tjerë. Marca ka titulluar një artikull “Zhurma e fik Viniciusin” duke iu referuar se larg Santiago Bernabeut, braziliani nuk është në gjendje të ushtrojë të njëjtin ndikim në lojëra, përkundrazi zhytet në beteja.
Ndërsa ata i referohen faktit që Vinicius ishte i përfshirë shumë në rikthimin e Real Madridit të enjten e kaluar kundër Villarrealit, statistikat i mbajnë këto shqetësime.
Që nga gushti, braziliani nuk ka shënuar apo asistuar jashtë shtëpisë në La Liga. Duke qenë se Vinicius është, së bashku me Karim Benzema, burimi i tyre më i madh i golave, është bërë një çështje kronike për Los Blancos.
Ndërsa Ancelotti nuk do të dëshirojë ta vë Viniciusin nën presion, ai do të duhet të kanalizojë me kujdes temperamentin e tij. Derisa të mësojë ta kontrollojë më mirë, do të vazhdojë të jetë në shënjestër të lojtarëve kundërshtarë. /Telegrafi/