Nëpërmjet një komunikate për media, Policia e Kosovës ka bërë të ditur janë zhdukur dy vajza – njëra nga Mitrovica e tjetra nga Ferizaj, përcjell Telegrafi.
“Rr. Lekë Dukagjini, Mitrovicë. Ankuesi mashkull K/Shqiptar ka informuar se vajza e tij e moshës së mitur ka dalë nga shtëpia dhe nuk dihet vendndodhja e saj. Njësitë përkatëse policore janë duke hetuar rastin”, thuhet në njërin nga njoftimet e Policisë.
“Fshati Dardani, Ferizaj. Me datën 13.09.2016 ankuesja femër K/Shqiptare ka informuar se motra e saj ka dalë nga shtëpia dhe nuk dihet vendndodhja e saj. Njësitë përkatëse policore janë duke hetuar rastin”, shtohet në njoftimin tjetër të Policisë. /Telegrafi/