Ambasadori i Bashkimit Evropian në Maqedoni, Samuel Zbogar, mendon se raporti e ka konfirmuar përparimin e Marrëveshjes së Përzhinos, si dhe zgjedhjet në dhjetor të vitin 2016 çka sollën rekomandimin pa kusht për fillimin e bisedimeve me BE, përcjell Telegrafi Maqedoni.
“Duhet të lavdërohet koalicioni qeveritar që u kthye mbrapa në rrugën e reformave. Lavdërime ka edhe për opozitën sepse u vetëdijësua për procesin e reformave. Ka ngelur shumë për t’u bërë dhe rrumbullakosur. Rekomandimi është i qartë për nevojën e zbatimit të reformave. Atë çka BE do ta bëjë muajin e ardhshëm është vëzhgimi i hapave. Anëtaret e BE-së do t’i vlerësojnë ligjet reformuese”, tha Zbogar.
Ambasadori i BE-së e lavdëroi Marrëveshjen me Bullgarinë, por edhe bisedimet për zgjidhjen e problemit me emrin çka e ka me Greqinë. Zbogar u’a përkujtojë politikanëve se proceset për integrim nuk janë ushtrime teknike me plane dhe vizatim të hartave, por zbatim i vlerave evropiane. /Telegrafi/