Ambasadori i BE-së në Shkup Samuel Zhbogar, pas takimit të sotëm me kryetarin e Odës Ekonomike të Maqedonisë, Branko Azeski, tha se është koha që të shihen rezultate konkrete në fushën e gjyqësorit.
Ai theksoi se përgjegjës për rezultatet në gjyqësor janë gjykatësit dhe prokurorët, përcjell Telegrafi Maqedoni.
“Në fund të ditës edhe krahas të gjitha diskutimeve ne vijmë deri në sundimin e të drejtës për shkak të asaj se edhe kjo ka ndikim ndaj ekonomisë. I pamë përpjekjet të cilat i bën qeveria, parlamenti dhe institucione të tjera për miratimin e ligjeve edhe për rregullimin e gjyqësorit, megjithatë tash është koha të shohim ndryshimin konkret në gjyqësor, ndërsa për këtë përgjegjës janë gjykatësit dhe prokurorët të cilët punojnë në këto raste”.
“Investitorët e huaj, gjithashtu, janë segment shumë i rëndësishëm i ekonomisë dhe ato për funksionimin e tyre kërkojnë siguri të cilën mund t’ia ofrojnë gjykatat dhe sistemi ligjvënës vendimet e të cilit do të bazohen në ligjet”, tha Zhbogar.
Në takim është vlerësuar se proceset për bashkëpunim të gjashtë vendeve të rajonit e cila do të përfaqësojë bazë për integrimin në BE janë në fazën e progresit.
Ai shtoi se vlerësohen përpjekjet e odave për projektet të cilat zbatohen me mbështetjen e bashkëpunimit rajonal dhe për mënjanimin e pengesave dhe problemeve./Telegrafi/