Deputeti i Lidhjes Demokratike të Kosovës (LDK), Lutfi Zharku ka theksuar se ata si parti e kanë mohuar platformën e re të dialogut në mes Kosovës dhe Serbisë.
Ai në emisionin “Debat Plus”, me gazetarin Ermal Panduri ka thënë se ata platformën e kanë mohuar në tërësi.
Zharku ka theksuar se pozita e presidentit dhe tema e dialogut në mes Prishtinës dhe Beogradit nuk duhet të lidhet me emrin e Hashim Thaçit, sepse sipas tij, nuk e dimë nëse deri në prezentimin e platformës së re i pari i shtetit do të jetë Thaçi ose jo.
“Ne flasim për president, derisa ju po flisni për Hashim Thaçin. Mohimi i platformës është mohim i tij”, ka shtuar Zharku. /Telegrafi/
