Një grua e pastrehë është gjetur nga ana e karabinierëve në rrugët e Romës. Ajo endej në sheshet e kryeqytetit italian dhe një gjë e tillë iu ka rënë në sy forcave policore. Besohet se ajo është një vajzë 21-vjeçare nga Suedia.
Autoritetet janë munduar ta intervistojnë vajzën e re, por se ajo përgjigjej vetëm anglisht. Ajo është gjetur duke fjetur në rrugë e nëpër sheshe të qytetit.
Sipas “Mail Online”, 21-vjeçarja është Embla Jauhojarvi nga Stokholmi. Babai i saj, Tahvo sapo ka parë fotografitë ka thënë se ajo është vajza e tij dhe se do të niset drejt Italisë, për një ribashkim me të bijën.
Ai ka shtuar se vajza e saj ishte e madhe tanimë në moshë dhe se do të shihte jetën e saj. Tahvo ka nënvizuar se e bija kishte shkuar në Itali për të studiuar italisht.
Karabinierët thanë se vajza është e sjellshme, por nuk pranon të bëjë gjithçka që i thuhet prej zyrtarëve policorë.
Lidhur me këtë rast, më herët ka pasur dyshime se ajo mund të jetë Maria, një vajzë e humbur kur ka qenë e vogël, rasti i së cilës ishte bërë publik në emisionin televiziv italian “Chi l’ha Visto”.
Një shqiptare kishte thënë se e ashtuquajtura “Maria” rrinte përpara vendit të saj të punës në Romë, teksa shton se është munduar të flasë me vajzën, por se e reja nuk është përgjigjur, transmeton shekulli.
Por, sa duket shqiptarja ka gabuar këtë herë, pasi vajza rezulton të jetë suedeze.
