Banorëve të qytetit Yiwu assesi nuk u ishte e qartë se si çifti bashkëshortor me fëmijë mund të punojë nga ora 6 deri në 3 të mëngjesit, prandaj i kishin dhënë emrin – ‘Restoranti robot’.
Mirëpo, e vërteta është kjo. Restorantin e kanë udhëhequr dy çifte – si njëri ashtu edhe tjetri çift janë binjakë njëvezorë. Të dy çiftet kanë djem të vegjël të cilët gjithashtu janë binjakë njëvezorë, njofton gazeta Today Morning Post.
Të vërtetën e ka zbuluar gazetari i kësaj gazete duke intervistuar pronarin e restorantit dhe e ka kuptuar se të dy vëllezërit binjakë janë martuar me dy motra binjake nga qyteti i njëjtë, dhe më pas janë zhvendosur në Yiwu, ku kanë blerë një restorant.
"Shumë prej mysafirëve tanë kanë menduar se punojmë tepër dhe se jemi sikur robotë, mirëpo nuk e kanë ditur se në të vërtetë ne jemi katër", ka thënë Mao Zhanghua, vëllai më i vjetër.