Një aplikacion ‘Smart Voting’ i ideuar nga lideri i burgosur i opozitës ruse, Alexei Navalny, është hequr nga dyqanet e Apple dhe Google, në ditën kur rusët filluan të votojnë për zgjedhjet parlamentare.
Sipas BBC, përcjell Telegrafi, autoritetet ruse kishin kërcënuar se do të gjobisin dy kompanitë nëse ata refuzonin të hiqnin aplikacionin, gjë që u tha përdoruesve që mund të ulnin kandidatët e partisë në pushtet.
Zgjedhjet parlamentare dhe lokale filluan të premten në Rusi, dhe do të zgjasin tre ditë.
Megjithëse marrin pjesë gjithsej 14 parti, shumë kandidatëve që shihen anti-Putin iu ndalohet kandidimi, përfshirë këdo që lidhet me lëvizjen opozitare Navalny.
Disa kundërshtarë të shquar të Kremlinit janë detyruar të largohen nga Rusia.
Votuesit do të zgjedhin 450 deputetë për Dumën (parlamentin) në Moskë dhe një numër qytetesh kanë futur votimin elektronik.
Për herë të parë që nga viti 1993, vëzhguesit e zgjedhjeve nga Organizata për Siguri dhe Bashkëpunim në Evropë (OSCE) nuk do të jenë të pranishëm për shkak të “kufizimeve” të vendosura nga autoritetet ruse. /Telegrafi/