Komisioni Qendror Zgjedhor, ka bërë të ditur mënyrën e si dhe kur mund të votohet përmes postës në zgjedhjet e jashtëzakonshme për kreun e Podujevës.
Votuesit që janë regjistruar për të votuar përmes postës, në fletëvotimin për Kryetar Komune ku janë të renditur emrat e kandidatëve, duhet të shënojnë vetëm një kandidat.
Fletëvotimin për Kryetar Komune mund ta gjeni në ueb faqen e KQZ-së, www.kqz-ks.org te linku: “Shërbimet për Votuesit”, pastaj linku: “Votimi Përmes Postës”
Kthimi i pakos së fletëvotimit:
Fletëvotimin e plotësuar vendosni në një zarf të pashënuar dhe mbylleni. Kjo do të ruajë fshehtësinë e votës suaj.
Zarfin e pashënuar dhe kopjen e një dokumenti identifikues të vlefshëm vendoseni në zarfin e kthimit, në të cilin e shënoni adresën postare të Komisionit Qendror të Zgjedhjeve.
Komisioni Qendror i Zgjedhjeve, Republika e Kosovës, Votimi Përmes Postës, Posta nr. 6, KUTIA 351, 10 000 Prishtinë, Kosovë.
Fletëvotimin përmes postës, duhet ta dërgoni vetëm për vete apo rrethin e ngushtë familjar.
Nëse dërgoni fletëvotime për persona të tjerë, fletëvotimet do të refuzohen!
Periudha e votimit përmes postës është nga 3 mars – 13 mars 2020
Fletëvotimi duhet të pranohet nga KQZ-ja më së largu deri më 13 mars 2020.
