Ndiqni këto rregulla kur zgjidhni
Këmbët e holla janë ëndrra e shumë femrave. Në vend që të lodheni me stërvitje, zgjidhni me mençuri dhe vizualisht do të merrni një pamje më të dobët.
Ngjyra, lartësia e takave dhe madje edhe materiali luajnë një rol në këtë, transmeton Telegrafi.
Ne kemi gjetur disa truke që do t’ju ndihmojnë të arrini një efekt fenomenal.
Ngjyra
Modelet e ndritshme dhe mbresëlënëse do të largojnë vëmendjen nga pjesët problematike.
Nëse zgjidhni ngjyrën e zezë, do të ishte mirë t’i mbathni ato në kombinim me xhinse të së njëjtës nuancë. Kjo do t’i bëjë këmbët tuaja të duken më të holla dhe më të gjata.
Materiali
Nëse ju pëlqejnë modelet mbi gju, zgjidhni ato me material mat ose lëkurë të përmbysur. Materialet e llakuara dhe me shkëlqim do të kenë një efekt të kundërt.
Gjatësia e takave
Sa më të larta të jenë takat, aq më të holla do të duken këmbët. Megjithatë, nuk duhet ekzagjeruar. Një lartësi prej 5 centimetrash do t’jua zgjasë mjaftueshëm këmbën, do ta bëjë atë vizualisht më të hollë dhe do të ndiheni ende rehat.
/Telegrafi/